Minn din is-sena skolastika l-Kulleġġ ser jibda jħaddem il-Learning Support Zone tiegħu fl-iskola sekondarja tas-subien f’Ta’ Paris, Birkirkara. Din hija żona speċjalizzata ħafna għal studenti b’diffikultajiet soċjali, emottivi, u ta’ mġieba. Il-Kulleġġ investa madwar €2000 biex sebbaħ dan il-bini u xtara għamara bażika u adattata għal din iż-żona. Din iż-żona tinkludi kċina, żona ta’ rilassament, diskussjoni u riflessjoni, żona rikreattiva, u żona għal tagħlim formali.