Wara l-ftehim li s-sena l-oħra laħaq il-Kulleġġ Santa Tereża ma’ l-Istitut għall-Istudji Turistiċi (ITS), il-Korporazzjoni għax-Xogħol u t-Taħriġ (ETC) u l-Assoċjazzjoni tal-Lukandi u r-Ristoranti Maltin (MHRA), din is-sena skolastika (2009-2010) ser tkun offruta skema ġdida oħra li tinkludi żewġ programmi ‘Food and Beverage Service’ u ‘Housekeeping Operations’ miftuħa għall-istudenti interessati tal-ħames sena sekondarja fl-iskejjel kollha tal-Kulleġġ. 

Studenti li jlestu l-ewwel sena b’suċċess jistgħu jgħaddu għat-tieni sena tal-programm li jinkudi wkoll xi sigħat ta’ prattika, jibbenifikaw minn stipendju u jinagħtaw ċertifikat ta’ livell MQF3.  L-iskop ewlieni ta’ din l-inizjattiva tal-Kulleġġ Santa Tereża huwa li studenti interessati jkun ippreparat għad-dinja tax-xogħol b’taħriġ u esperjenza professjonali.