Dalwaqt jasal iż-żmien li fih l-istudenti tas-sitt sena tal-primarji jagħżlu s-suġġetti li jkunu jridu jitgħallmu fl-ewwel sena tas-sekondarja.
Lingwa - Din tibqa' l-istess għal ħames snin tas-Sekondarja
Option - Din tgħodd għall-ewwel u t-tieni sena tas-sekondarja
Fitness Sessions
F’din is-sena skolastika, qegħdin isiru Fitness Sessions fl-iskejjel primarji tal-Kulleġġ. F’dawn is-sessjonijiet it-tfal qegħdin jiġu mgħotija iċ-ċans li jkomplu jitgħallmu u jtejbu l-abilitajiet tagħhom fl-isport. L-iżjed li qed jingħataw mportanza huma l-‘Fundamental Skills'. Dawn huma essenzjali għal kull dixxiplina sportiva biex it-tfal ikollhom bażi soda. Permezz ta’ din l-attività qegħdin nippruvaw inrawmu lit-tfal f’kultura sportiva. Din twassal għal ħafna benefiċċji tul il-ħajja ta’ persuna, speċjalment fl-iżvilupp fiżiku, mentali u soċjali.
Laqgħat għall-Ġenituri
Il-Kulleġġ Santa Tereża qiegħed jorganizza sensiela ta’ laqgħat fuq diversi temi marbutin ma’ stili ta’ ħajja sana fosthom Dental Care, Health and Safety in the Home, Alcohol Consumption, Sports and Healthy Lifestyle u Effective Communication. L-iskop ta’ dawn il-laqgħat huwa li jipprovdu ħiliet bażiċi għall-ħajja ta’ kuljum u jgħinu lill-ġenituri fit-trobbija tal-ulied. Il-laqgħat qegħdin isiru fl-iskejjel tal-Kulleġġ Santa Tereża mis-6.00 sas 7.00 ta’ filgħaxija.
Fiż-żminijet tal-festi, l-istudenti tal-Youth Club tal-Kulleġġ Santa Tereża flimkien ma’ rappreżentanti mill-kunsilli ta’ l-istudenti tal-Kulleġġ, il-Youth Worker tal-Kulleġġ u ġenituri taw l-awguri għas-sena l-ġdida lill-ogħla awtoritajiet ta’ Malta. Dawn ġew milqugħa mill-President tar-Repubblika ta’ Malta, Dr George Abela, l-Arċisqof ta’ Malta Mons. P. Cremona u l-Prim Ministru Dr Lawrence Gonzi. Waqt din iż-żjara l-istudenti ppreżentaw kopja tad-DVD li l-istudenti tal-Youth Club ħadmu fuq Heritage Trail ta’ Birkirkara lil dawn il-personalitajiet distinti.
